تجربة أستاذة فوج 2019 في المقابلة الشفوية لاجتياز مباراة التعليم أطر الأكاديميات
السلام عليكم ورحمة الله وبركاته بغيت نشارك معكم تا انا تجربتي مع الامتحان الشفوي لمباراة التعليم:
السلام عليكم ورحمة الله وبركاته
وعليكم السلام ورحمة الله وبركاته
تفضلي ابنتي قراي هاد النص (النص بالفرنسية) نيشان بلا عرفي براسك بلا والو، قريت النص جوج مرات وطلبو مني نقراه بصوت مرتفع بديت كنقرا وكل مرة كيوقفني عند شي شروحات شرحتهم ليه سولني على واحد الفعل نحولو لواحد الزمن، من بعد نفس الشيء داروه معايا لنص باللغة العربية قريتو وشرحتو من بعد قالو ليا واحد الفعل فالنص نديرو فجملة طبعا من بعد الجملة كنت عارفا غايقولو ليا اعربي واخترت ابسط شيء طاع الولد الأستاذ اعربتها لهم، من بعد دزنا لعلوم التربية، وسولوني الميثاق الوطني قلت ليهم داكشي اللي عارفا عليه ، وسولني واحد قاليا هل كان صالحا؟ من نيتي قلتي ليه لا غير صالح ياأستاذ فلو كان صالحا لما ظهر الكتاب الأبيض سنة 2002 المهم هكذا وذوالك تا دزنا على المخطط الاستعجالي وصولا الى الرؤية الاستراتيجية، كل الاصلاحات كانت في نظري غير صالحة هههه، من بعظ سولني على الاجراءات الللي خاصني نديرها كأستاذة حالة المرض، ومن بعد رخصة المرض اشنو خاصني ندير باش نستأنف العمل ديالي، وسولني على وثائق الأستاذ، بعدها على منظومة مسار، وفالأخير مضاعفات العدد 18.
عطاوني البطاقة الوطنية وقاليا علاش لبستي #الوزرة# واش شي واحد قاليك لبسيها، قلت ليه لا أستاذ الوزرة هي اللي كتميز مهنة التعليم عن باقي المهن واللي ليا الشرف باش نلبسها.
وسالات المباراة بخير الحمد لله وبالتوفيق للجميع.
أستاذة التعليم الإبتدائي إقليم أزيلال فوج 2019
تعليقات
إرسال تعليق